देउवा चुनावको हार स्वीकारेर अघि बढ्न सक्नुभएनः डा. शेखर कोइराला

नेपाली काँग्रेसका नेता डा. शेखर कोइरालाले पार्टी सभापति शेरबहादुर देउवाको कडा शब्दमा आलोचना गरेका छन्। नेता कोइरालाले ‘निर्वाचनमा पार्टीको नभई व्यक्तिको हार भएको’ भन्ने पार्टी सभापति देउवाको पछिल्लो अभिव्यक्ति आपत्तिजनक र लज्जास्पद भएको बताए।

नेपाल विद्यार्थी संघको ४९ औं स्थापना दिवसको अवसरमा बिहीबार काठमाडौंमा आयोजित एक कार्यक्रममा बोल्दै उनले निर्वाचनमा भएको हारलाई समेत स्वीकार गरेर अघि बढन नसकेको भन्दै सभापति देउवाप्रति आक्रोश व्यक्त गरे।

नेता कोइरालाले इतिहासमा काँग्रेस अहिलेजस्तो कमजोर कहिल्यै नभएको स्वीकार गरेर अघि बढ्न पनि सभापति देउवाको ध्यानाकर्षण गराए।

पार्टी नेतृत्वले गल्ती स्विकार गरेर अघि नबढेसम्म काँग्रेसमा सुधार आउने अवस्था नरहेको नेता कोइरालाको भनाइ छ।

नेता कोइरालाले सामुदायिक विद्यालय शिक्षालाई गुणस्तरीय बनाउन नेपाल विद्यार्थी संघका नेतृत्वलाई सचेत पनि गराए।

काँगे्रस नेता प्रकाशमान सिंहले पार्टीलाई विधिसम्म ढंगले चलाउन सभापति देउवासँग माग गरेका थिए।

Facebook Comments

Leave a Reply

Your email address will not be published. Required fields are marked *

नेपाली प्रोफाइलमा खाता किन?

समाचार संग्रह गर्न तथा संग्रहित समाचार पढ्न सक्नुहुनेछ ।

नेपाली प्रोफाइलमा आफ्ना लेख प्रकाशित गर्न सक्नुहुनेछ ।

तपाईंको रुची अनुसारको समाचार पढ्न सक्नुहुनेछ ।