लमजुङका किसानलाई अनुदानमा आलुको बीउ वितरण

लमजुङ – सुन्दरबजार नगरपालिकाको कृषि शाखाले किसानलाई अनुदानमा आलुको बीउ वितरण गरेको छ । शाखाले नगरपालिकाभित्र रहेका ११ वटै वडाका किसानलाई ५० प्रतिशत अनुदानमा आलुको बीउ वितरण गरेको हो ।

उर्वर खेतबारी बाँझै राख्ने, आयतित आलु किनेर खाने प्रवृत्ति बढ्दै गएकाले किसानलाई आत्मनिर्भर बनाउन अनुदानमा आलुको बीउ वितरण गरिएको सुन्दरबजार नगरपालिका कृषि शाखाका प्रमुख रामचन्द्र सेढाइँले जानकारी दिनुभयो ।

‘आयतित आलु किनेर खाने बढे । खेतबारी बाँझै राख्ने प्रवृत्ति बढ्यो । जग्गाको पनि उपयोग हुने, आफैँले उत्पादन गर्न सके बाहिरको आलु किनेर खाने पैसा समेत जोगिने । त्यसैले उनीहरुलाई आत्मनिर्भर बनाउनकै लागि हामीले किसानलाई आलुको बीउ वितरण गरेका हौँ,’ उहाँले भन्नुभयो ।

उहाँका अनुसार किसानलाई आलुको बीउमा ५० प्रतिशत अनुदान दिइएको छ । ढुवानीमा सतप्रतिशत अनुदान दिइएको छ ।

शाखाले आलुको बीउ खरिद र वितरणको जिम्मा स्थानीय ३ कृषि सहकारीले पाएका थिए । अन्नपूर्ण कृषि सहकारीले वडा सुन्दरबजार नगरपालिकाको नं ७, ८, ९, साना किसान कृषि सहकारीले वडा नं १, २, ५, ६ र पाउँदी सेरोफेरो कृषि सहकारीले वडा नं ३, ४, १० र ११ वितरण गर्ने जिम्मा लिएका थिए । उनीहरुले सम्बन्धित वडाको समन्वयमा स्थानीय किसानलाई आलुको बीउ वितरण गरिरहेका छन् ।

किसानलाई एमएस–४२ र जनकदेव जातको आलुको बीउ वितरण गरिएको हो । प्रतिकेजी ४६ रुपैयाँ पर्ने एमएस–४२ जातको आलुको बीउ किसानले अनुदानमा प्रतिकेजी २३ रुपैयाँमा पाएका छन् । प्रतिकेजी ५६ रुपैयाँ पर्ने जनकदेव जातको आलुको बीउ किसानले अनुदानमा प्रतिकेजी २८ रुपैयाँ तिरेका छन् ।

‘नगरपालिकाको वार्षिक कार्यक्रम अनुसार नै आलुको बीउ वितरण गरिएको हो । यो कार्यक्रम कृषि शाखाको ५ लाख र किसानको ५ लाख गरी १० लाख बराबरको हो । ढुवानीमा हामीले पुरै अनुदान दिएका छौँ,’ रामचन्द्रले भन्नुभयो ।

कृषि शाखाका प्रत्येक वडाले २२ क्विन्टलका दरले आलुको बीउ पाएका छन् । अनुदानमा उन्नत जातको आलुको बीउ घर आँगनमै पाउँदा किसानहरु खुशी भएको सुन्दरबजार नगरपालिका वडा नं ९ का वडासदस्य अमोल खनालले बताउनुभयो ।

‘राम्रो जातको आलुको बीउ सस्तोमै पाईयो । हामी खुशी छौँ,’ खुशी हुँदै स्थानीय किसान बुद्कुमारी गुरुङले भन्नुभयो । आलुको बीउ वितरणका साथै किसानलाई आलु खेतीसम्बन्धी जानकारी गराइएको समेत सुन्दरबजार कृषि शाखाले जनाएको छ ।

भर्खरै प्रकाशित

रोट्र्याक्ट क्लव अफ भरतपुर हाईटको पदस्थापना सम्पन्न , वर्ष २०२१-२२को…

रोट्रयाक्ट क्लब अफ भरतपुर हाईटले आफ्नो तेस्रो पदस्थापना समारोह भव्यताका साथ सम्पन्न गरेको छ। रोटरी क्लव अफ भरतपुरद्वारा स्पोन्सर गरिएको यस क्लव निस्वार्थ भावनाले समाजलाई…

आत्महत्या सम्बन्धी सचेतनामुलक कार्यमा रोट्र्याक्ट क्लब राजधानीको पहल।

आत्महत्या सम्बन्धि समाचार र खबर हालको आवस्थामा दिनकै जसो सुन्दै र देख्दै आइरहेको कुरामा हामी सबै जानकार नै छौं । यसै पनि संसारको बढी मृत्यु…

रोट्याक्ट क्लव अफ लेखनाथद्वारा खाद्यान्न वितरण तथा स्वस्थ्य शिबिर कार्यक्रम…

रोट्याक्ट क्लव अफ लेखनाथद्वारा मिति २०७८ भाद्र २३ गते बुधबारको दिन तीजको अवसरमा पोखरा -२७ स्थित श्री कृष्ण प्रणामि मन्दिर तथा वृद्धश्राम खाद्यान्न वितरण तथा…

नेपाली कांग्रस कास्की क्षेत्र नं. २, प्रदेश ख का लागि…

नेपाली कांग्रेसको आसन्न १४ औं महाधिवेशनमा पोखराका सामाजिक अभियन्ता सुबास सिग्देलले नेपाली कांग्रस कास्की क्षेत्र नं. २, प्रदेश ख का लागि सभापति पदको लागि उमेद्वारी…

लोकतान्त्रिक शैक्षिक परामर्श संघ लुम्बिनी प्रदेशमा दिनेश पौडेल

लोकतान्त्रिक शैक्षिक परामर्श संघ लुम्बिनी प्रदेशमा दिनेश पौडेलको संयोजकत्वमा १८ तदर्थ समिति गठन भएको छ । नेपाली कांग्रेस निकट शैक्षिक परामर्श व्यवसायीहरुको भेलाले उक्त निर्णय…