‘… अनि सिरकले मुख छोपेर रोएँ’

‘केमा तिम्रो छैन मन बुझेको ?
मलिन मुहार परेली रुजेको ।’

राम्दी पुल तर्ने ।
बाँचे त हुम्ला भेट मरे के गर्ने ?

यो शब्द सर्जक रमेश ‘बिजी’ ले लेखेका हुन् । ‘राम्दी पुल तर्ने’ दोहोरीगीतको टुक्का र अन्तरा हो । पछिल्लो समय ‘राम्दी पुल तर्ने’ गीत निकै चर्चामा छ । ‘राम्दी पुल तर्ने’ एउटा उदाहरणीय रचना मात्रै हो । उनका दर्जनौं गीतहरु चर्चित छन् ।

रमेश ‘बि.जी.’ नाम नौलो र नयाँ होइन, विल्कुलै । सांगीतिक क्षेत्रमा पृथक परिचय छ, उनको–शालिन, भद्र, अनुशासित ।

ठेट शब्दलाई संयोजन गर्न सक्ने अद्भुतकला छ, उनमा । शब्दका थुङ्गालाई कहाँ, कसरी राख्ने कला छ । फूल थुङ्गालाई माला बनाए जसरी शब्दका थुङ्गालाई गीतमा माला बुन्छन्, उनी ।

उनी यथार्थवादी सर्जक हुन् । उनका रचनाहरु विशुद्ध मौलिक हुन्छन् । समाजको यथार्थ चित्र हुन्छ । ‘सुन पानीले छर्का मायालु’ एक ज्वलन्त उदाहरण हो । जातिय र सामाजिक विभेदको विषयमा वकालत गरेको पाइन्छ ।

उनी यथार्थवादी सर्जक हुन् । उनका रचनाहरु विशुद्ध मौलिक हुन्छन् । समाजको यथार्थ चित्र हुन्छ । ‘सुन पानीले छर्का मायालु’ एक ज्वलन्त उदाहरण हो । जातिय र सामाजिक विभेदको विषयमा वकालत गरेको पाइन्छ ।

वरिष्ठ कलाकार पुरुषाेत्तम न्याैपानेसँग सर्जक रमेश बि‍ .जी.

वि.स. २०५४ सालमा रेडियो नेपालबाट औपचारिक संगीतिक यात्रा सुरु गरेका बि.जी. अहिलेका ‘बिजी’ (व्यस्त) र स्थापिक सार्जक हुन् ।

‘लाइछौ बेसन’, ‘दियो कलश’, ‘सररर पानी घट्टामा’, ‘रुन्छ नि मन किन रुदैन’, ‘तिमी र म भए प्यार हुन्छ’, पुर्वैमा झ्याल राखे’, ‘देउरालीमा धजा’, ‘हुदैन सुन पित्तल गालेर’, ‘कस्ति हौली गुन्यू चोलीमा’, ‘तिते करेलीले’, ‘लाछा डोरी ऊनको’, ‘हैन अरुको’ लगायत दर्जनौं गीतहरु चर्चित छन्, उनको ।

अनुजदेखि अग्रज सम्मको मनोविज्ञानलाई बुझेर कलम चलाउन सक्ने क्षमता छ । बालगायिका कमला घिमिरे देखि नारायण रायमाझी र पुरुषोत्तम न्यौपाने सम्मका गायकले उनले लेखेका शब्दमा गीत गाएका छन् । जसका लागि, जसलाई पनि सुहाउने गीत लेख्ने क्षमता छ । उनले लेखेको गीत युट्यूबको करोड क्लबमा प्रायः पर्छन् । करिब पाँच सय गीतमा शब्द लेखेका छन् ।

लोकदोहोरीमा मात्र होइन, सुगम र चलचित्र बिधामा पनि उत्तिकै कलम चलाउन पोख्त छन्, सर्जक बि.जी. । हृदय चन्द्र सिंहं प्रधानको ‘एक चिहान उपन्यास’ लाई नाट्य रुपान्तरण समेत गरेका थिए । साँस्कृतिक संस्थान नाचघरले एक सय भन्दा बढी सो प्रर्दशन गरेका थियो । जुनसुकै काममा पनि असफलता कहिले पनि व्यहार्नु परेन उनले ।

नेपाली चलचित्र गोर्खा पल्टनको ‘सन्नानीले झुक्क्यो मलाई’, परदेशीको ‘भन्थेउ आमा’ उनका सुपरहिट गीत हुन् । गायक रामकृष्ण ढकालको ‘हुरी’ एल्बममा समावेश गीत ‘म हुरीमा दियो जलेको देख्छु’ टाइटल गीत उनैले रचना गरेका हुन् ।

‘म हुरीमा दियो जलेको देख्छु’ २०७३ सालको सुपरहिट गीत हो । ‘म हुरीमा …’ गीतले इमेज म्यूजिक अवार्ड (२०७३) र हिट्स एफ. एम अवार्ड (२०७३) अवार्ड पाएका थिए ।

उनको सिर्जनाहरु प्रायःबियोगान्त हुन्छन् । दुःख, रोदन र बिछोड उनको सिर्जनाको मुख्य फ्रेम (कथा) हो । घरबेशी र परदेशीको सर्जक हो, भन्दा फरक नपर्ला । उनको मान्यता हरेक सिर्जनाले समाज बोक्नुपर्छ । समाजको चित्रण गर्न सक्नुहुनुपर्छ भन्ने छ । उनको लेखनमा दुःख पिडाका भाका मिल्ने हुँदा आनन्द र सन्तुष्टि पाइन्छ ।

लोकदोहोरी गीतमा प्रविधिसँगै केही बिकृति पनि भित्रिएको छ । सर्जकहरु पैसाका लागि त्यो सिर्जना गर्छन्, आफूलाई अमर र कालजयी लेखनमा कमै लेख्छन् । त्यसैले सांगीतिक भीडमा दुई चार पैसा खर्च गर्ने, दुई तीन दिन अनुहार देखाएर हराउनेको लर्को छ ।

लोकदोहोरी गीतमा प्रविधिसँगै केही बिकृति पनि भित्रिएको छ । सर्जकहरु पैसाका लागि त्यो सिर्जना गर्छन्, आफूलाई अमर र कालजयी लेखनमा कमै लेख्छन् । त्यसैले सांगीतिक भीडमा दुई चार पैसा खर्च गर्ने, दुई तीन दिन अनुहार देखाएर हराउनेको लर्को छ ।

सर्जक बि.जी. का अनुसार लोकसंगीत लोकले अनुमोदित गर्ने थलो हो । जहाँ लोकको भावनालाई सिरोपर गर्दै संगीतिक जीवन/यात्रा अगाडी बढाउनु पर्छ । आफूले लेखेका शब्दमा आफै रुने रहस्य खोले उनले । ‘सुन पानीले छर्क मायालु’ र ‘देउरालीमा धजा’ शब्द रचना गर्दा रोए, अनि सिरकले मुख छोपेर रोए–उनले थपे ।

कलाकारितामा सम्भावना र चुनौतिहरु धेरै छन् । चुनौतिलाई अवसरमा सहज र सरल तरिकाले समाधान गर्न सक्नुपर्छ । शैक्षिक, सामाजिक, नैतिक असल र सफल कलाकारमा हुनुपर्ने आजको आवश्यकता हो ।

स्वर्गिय राजा वीरेन्द्रको जन्मोत्वसको अवसरमा पोखरा महानगरपालिकाद्वारा आयोजित राष्ट्रव्यापी दोहोरीगीत प्रतियोेगितामा ह्याट्रिक गरेका उनी, गायक होइन सर्जक अर्थात रचनाकार बने । सर्जक बि.जीले प्रेरणाका स्रोत बरिष्ट गायक नारायण रायमाझी र पुरुषोत्तम न्यौपाने हुन् । जस्ले कलाकारितामा ल्याए । सफल र असल सर्जक बनाए । अनि उनले नाम र दाम दुवै कमाए । एउटा स्थापित सर्जक बने ।

कोरोना कहरका कारण गरिएको लकडाउनले उनी चिन्तित छन् । लोकदोहोरीगीत क्षेत्रमा लागेका कलाकारहरुको भविष्य के ? भन्ने बारेमा चिन्ता व्यक्त गरे ।

लकडाउनको मारमा परेका कलाकारहरुका लागि राष्ट्रिय लोक तथा दोहोरीगीत प्रतिष्ठानका तर्फबाट रचनात्मक र प्रभावकारी भुमिकामा रहेको उनले जानकारी दिए । राष्ट्रिय लोक तथा दोहोरीगीत प्रतिष्ठान नेपालले कोभिड–१९ आकस्मित सहयोग समिति स्थापना गरेर हजारौं कलाकारहरुलाई राहत बाँढिरहेका छन्

उनी हाल, राष्ट्रिय लोक तथा दोहोरीगीत प्रतिष्ठान नेपालको अध्यक्ष हुन् ।

भर्खरै प्रकाशित

रोट्र्याक्ट क्लव अफ भरतपुर हाईटको पदस्थापना सम्पन्न , वर्ष २०२१-२२को…

रोट्रयाक्ट क्लब अफ भरतपुर हाईटले आफ्नो तेस्रो पदस्थापना समारोह भव्यताका साथ सम्पन्न गरेको छ। रोटरी क्लव अफ भरतपुरद्वारा स्पोन्सर गरिएको यस क्लव निस्वार्थ भावनाले समाजलाई…

आत्महत्या सम्बन्धी सचेतनामुलक कार्यमा रोट्र्याक्ट क्लब राजधानीको पहल।

आत्महत्या सम्बन्धि समाचार र खबर हालको आवस्थामा दिनकै जसो सुन्दै र देख्दै आइरहेको कुरामा हामी सबै जानकार नै छौं । यसै पनि संसारको बढी मृत्यु…

रोट्याक्ट क्लव अफ लेखनाथद्वारा खाद्यान्न वितरण तथा स्वस्थ्य शिबिर कार्यक्रम…

रोट्याक्ट क्लव अफ लेखनाथद्वारा मिति २०७८ भाद्र २३ गते बुधबारको दिन तीजको अवसरमा पोखरा -२७ स्थित श्री कृष्ण प्रणामि मन्दिर तथा वृद्धश्राम खाद्यान्न वितरण तथा…

नेपाली कांग्रस कास्की क्षेत्र नं. २, प्रदेश ख का लागि…

नेपाली कांग्रेसको आसन्न १४ औं महाधिवेशनमा पोखराका सामाजिक अभियन्ता सुबास सिग्देलले नेपाली कांग्रस कास्की क्षेत्र नं. २, प्रदेश ख का लागि सभापति पदको लागि उमेद्वारी…

लोकतान्त्रिक शैक्षिक परामर्श संघ लुम्बिनी प्रदेशमा दिनेश पौडेल

लोकतान्त्रिक शैक्षिक परामर्श संघ लुम्बिनी प्रदेशमा दिनेश पौडेलको संयोजकत्वमा १८ तदर्थ समिति गठन भएको छ । नेपाली कांग्रेस निकट शैक्षिक परामर्श व्यवसायीहरुको भेलाले उक्त निर्णय…