वालिङ भलिबल क्लब गठन : ‘भलिबलको व्यवसायीकरण आजको आवश्यकता’

स्याङ्जा । स्याङ्जाको वालिङमा भलिबल क्लब गठन गरिएको छ । भलिबका पूर्व राष्ट्रिय खेलाडी दीपेन्द्र खाँणको अध्यक्षतामा ‘वालिङ भलिबल क्लब’ गठन गरिएको छ ।

क्लबको आयोजनामा शनिबार बृहत अन्तर्क्रिया कार्यक्रम सम्पन्न भएको छ । क्लब गठनको औपाचारिक घोषण गर्ने उद्धेश्यले अन्तर्क्रिया कार्यक्रम आयोजना गरिएको थियो ।

सो अवसरमा क्लबका अध्यक्ष दीपेन्द्र खाँण, उपाध्यक्ष किरण खाँण र भलिबलका राष्ट्रिय रेफ्री चित्रजंग गुरुङले भलिबल खेलकाे महत्वका बारेमा बोलेका थिए ।

क्लब अध्यक्ष खाँणले भलिबलको उत्पत्ति र इतिहास, उपाध्यक्ष खाँणले ‘वालिङ भलिबल क्लब’ गठनका बारे र राष्ट्रिय रेफ्रि गुरुङले भलिबल खेल र अनुशासनका बारे महत्वपूर्ण भनाईहरु राखेका थिए ।

अध्यक्ष खाँणले भलिबलको व्यसायीकरण आजको आवश्यकता रहेको बताए । उनले भने, ‘खेल खेलेर जिविका चलाउन व्यवसायीकरण हुनुपर्छ । क्लबको स्थापनाको मुख्य उद्धेश्यनै क्लबसँग आबद्ध खेलाडीलाई खेलसँगै आर्थिक समृद्धि बनाउने मुख्य लक्ष्य हो ।’

यस्तै उपाध्यक्ष खाँणले देशभर छरिएर रहेका भलिबल खेलाडीहरुलाई एउटै मञ्चमा गोलबद्ध गराउने उद्धेश्यले क्लब गठन गरिएको जानकारी दिए । ‘स्याङ्जा भलिबलका लागि उर्वर भूमि हो’, उनले भने, ‘क्लबले खेलाडी र भलिबल क्षेत्रको संरक्षण र सम्वर्धन गर्छ ।’

क्लबले निकट भविष्यमा भलिबल खेलाडी उत्पादनका लागि भलिबल एकेडेमी सञ्चालन गर्ने लक्ष्य रहेको क्लबका सचिव हुमराज गुरुङले बताए ।

क्लबले साधारण सदस्य र आजीवन सदस्य विस्तार कार्यलाई तीव्रता पारेको छ । साधारण सदस्य र आजीवन सदस्य नै क्लबको मुख्य आर्थिक आम्दानीको स्रोत रुपमा लिइएको छ ।

भर्खरै प्रकाशित

रोट्र्याक्ट क्लव अफ भरतपुर हाईटको पदस्थापना सम्पन्न , वर्ष २०२१-२२को…

रोट्रयाक्ट क्लब अफ भरतपुर हाईटले आफ्नो तेस्रो पदस्थापना समारोह भव्यताका साथ सम्पन्न गरेको छ। रोटरी क्लव अफ भरतपुरद्वारा स्पोन्सर गरिएको यस क्लव निस्वार्थ भावनाले समाजलाई…

आत्महत्या सम्बन्धी सचेतनामुलक कार्यमा रोट्र्याक्ट क्लब राजधानीको पहल।

आत्महत्या सम्बन्धि समाचार र खबर हालको आवस्थामा दिनकै जसो सुन्दै र देख्दै आइरहेको कुरामा हामी सबै जानकार नै छौं । यसै पनि संसारको बढी मृत्यु…

रोट्याक्ट क्लव अफ लेखनाथद्वारा खाद्यान्न वितरण तथा स्वस्थ्य शिबिर कार्यक्रम…

रोट्याक्ट क्लव अफ लेखनाथद्वारा मिति २०७८ भाद्र २३ गते बुधबारको दिन तीजको अवसरमा पोखरा -२७ स्थित श्री कृष्ण प्रणामि मन्दिर तथा वृद्धश्राम खाद्यान्न वितरण तथा…

नेपाली कांग्रस कास्की क्षेत्र नं. २, प्रदेश ख का लागि…

नेपाली कांग्रेसको आसन्न १४ औं महाधिवेशनमा पोखराका सामाजिक अभियन्ता सुबास सिग्देलले नेपाली कांग्रस कास्की क्षेत्र नं. २, प्रदेश ख का लागि सभापति पदको लागि उमेद्वारी…

लोकतान्त्रिक शैक्षिक परामर्श संघ लुम्बिनी प्रदेशमा दिनेश पौडेल

लोकतान्त्रिक शैक्षिक परामर्श संघ लुम्बिनी प्रदेशमा दिनेश पौडेलको संयोजकत्वमा १८ तदर्थ समिति गठन भएको छ । नेपाली कांग्रेस निकट शैक्षिक परामर्श व्यवसायीहरुको भेलाले उक्त निर्णय…