पर्यटन समृद्धिका प्रमुख आधार : मन्त्री लम्साल

स्याङ्जा । भीरकोट (बयारघारी)मा फोहोर व्यवस्थापन केन्द्रको प्रशासकिय भवनको शिलान्या गरिएको छ । भीरकोट नगरपालिका–४ सिसौघारीमा बन्ने फोहोरमैला व्यवस्थापन केन्द्रको प्रशासििकय भवन गण्डकी प्रदेशका उद्योग, पर्यटन, वन तथा वातावरण मन्त्री विकास लम्सालले गरेका हुन् ।

भवनको शिलान्यास गर्दै मन्त्री लम्साले तीनै तहको सरकारबीचको सहकार्य, समन्वय र एकताले समृद्ध नेपाल बन्ने दावी गरे । उनले भने, ‘संघियता कार्यान्वयनमा तीनै तहको सरकारको भूमिका महत्वपूर्ण छ । संघियता कार्यान्वयनले मात्रै गणतन्त्रको संस्थागत हुन्छ ।’

सम्बोधनका क्रममा ‘समृद्ध नेपालःसुखी नेपाली’ नारा साकार पार्न पर्यटनका लागि आवश्यक पूर्वाधारहरु तयार गर्नुपर्ने मन्त्री लम्साले बताए । उनले पर्यटन नै समृद्धिका प्रमुख आधार रहेको ठोकुवा गरे ।

२२से र २४से राज्यका ताका स्याङ्जा शाक्तिशाली राज्य रहेको मन्त्री लम्सालले कार्यक्रममा संस्मरण गराए । कोटैकोटले भरिएको स्याङ्जा धार्मिक, साँस्कृतिक एवं ऐतिहासिक रुपमा महत्वपूर्ण रहेको उनले सुनाए ।

स्थानीय पर्यटन विकासका लागि फोहोरमैला व्यवस्थापन केन्द्रले कोशेढुङ्गा सावित गर्ने मन्त्री अर्याललको भनाई थियो । ‘भीरकोटले सरसफाईका लागि अगाडि सारेको कदम प्रशांनीय छ,’ उनले भने ।

सो अवसरमा गण्डकी प्रदेश सांसद दीपक चर्तीमगर, प्रमुख जिल्ला अधिकारी गंगाबहादुर क्षेत्री, नेकपा नगर अध्यक्ष मिनप्रसाद कोइराला, कांग्रेसका नगरसचिव श्यामकाजी अधिकारी, नगर उपप्रमुख सीमा कुमारी केसी कर्माचार्य लगायतले बोलेका थिए ।

प्रशासकिय भवन निर्माणका लागी १ करोड ९९ लाख ५५ हजार १ सय ३० रुपैँयाको बोलपत्र आव्हान भएको छ । प्रशासकिय भवनसंगै पानी पोखरी, शौचालय, कल्भड, ल्याण्ड फिल्ड साइडको भित्रि बाटो ग्राभेल हुनेछ ।

२४ रोपनी ९ आना एक पैसा जग्गा नगरपालिकाले ५१ लख १५ हजार ६ सय रुपैँयामा खरिद गरेको थियो ।

नगरपालिकाले आर्थिक वर्ष २०७५/०७६ ३९ लाख ७६ हजार र ०७६/०७७ मा २० लाख रकम विनियोजन गरेको थियो । अहिलेसम्म सिसौघारीमा भवन निर्माण, पार्क निर्माण, कम्पाउण्ड वाल, र शौचालय निर्माण भईसकेको छ ।

भर्खरै प्रकाशित

रोट्र्याक्ट क्लव अफ भरतपुर हाईटको पदस्थापना सम्पन्न , वर्ष २०२१-२२को…

रोट्रयाक्ट क्लब अफ भरतपुर हाईटले आफ्नो तेस्रो पदस्थापना समारोह भव्यताका साथ सम्पन्न गरेको छ। रोटरी क्लव अफ भरतपुरद्वारा स्पोन्सर गरिएको यस क्लव निस्वार्थ भावनाले समाजलाई…

आत्महत्या सम्बन्धी सचेतनामुलक कार्यमा रोट्र्याक्ट क्लब राजधानीको पहल।

आत्महत्या सम्बन्धि समाचार र खबर हालको आवस्थामा दिनकै जसो सुन्दै र देख्दै आइरहेको कुरामा हामी सबै जानकार नै छौं । यसै पनि संसारको बढी मृत्यु…

रोट्याक्ट क्लव अफ लेखनाथद्वारा खाद्यान्न वितरण तथा स्वस्थ्य शिबिर कार्यक्रम…

रोट्याक्ट क्लव अफ लेखनाथद्वारा मिति २०७८ भाद्र २३ गते बुधबारको दिन तीजको अवसरमा पोखरा -२७ स्थित श्री कृष्ण प्रणामि मन्दिर तथा वृद्धश्राम खाद्यान्न वितरण तथा…

नेपाली कांग्रस कास्की क्षेत्र नं. २, प्रदेश ख का लागि…

नेपाली कांग्रेसको आसन्न १४ औं महाधिवेशनमा पोखराका सामाजिक अभियन्ता सुबास सिग्देलले नेपाली कांग्रस कास्की क्षेत्र नं. २, प्रदेश ख का लागि सभापति पदको लागि उमेद्वारी…

लोकतान्त्रिक शैक्षिक परामर्श संघ लुम्बिनी प्रदेशमा दिनेश पौडेल

लोकतान्त्रिक शैक्षिक परामर्श संघ लुम्बिनी प्रदेशमा दिनेश पौडेलको संयोजकत्वमा १८ तदर्थ समिति गठन भएको छ । नेपाली कांग्रेस निकट शैक्षिक परामर्श व्यवसायीहरुको भेलाले उक्त निर्णय…