पुतली गायकलाई आवास प्रदान: रोटरी क्लब अफ पोखरा लेकसाइड

पोखरा । आर्थिक विपन्नताका कारण ओत लाग्ने छानो समेत नपाएकी पुतली गायकलाई रोटरी क्लब अफ पोखरा लेकसाइडले नयाँ आवास निर्माण गरी प्रदान गरेको छ ।

पोखरा १६ गायकटोलमा उनलाई नवनिर्मित आवास हस्तान्तरण गरिएको हो । क्लबका अध्यक्ष अर्जुन खनालले पुतली गायकको अवस्था पत्तो पाएपछि लगत्तै क्लबको बैठकबाट पारित गराई मेम्बरहरुको आर्थिक संकलनमा आवास निर्माणको कामले सार्थकता पाएको बताए ।

क्लबले उक्त आवास निर्माणको लागि १ लाख ४५ हजार रुपैयाँ खर्चिएर आवासको छानो हालिएको अध्यक्ष खनालले जानकारी दिए । ‘ओत लाग्ने छानोसम्म नपाएको परिवारले अन्य सूरक्षा कसरी प्राप्त गर्न सक्छ र भन्ने अनुभत भयो,’ खनालले भने, ‘अब आवास दिन सकियो, दैनिकी गर्जो टार्न आर्थिक उपार्जन पनि दिन सकिनेबारे हामी सोच्ने छौं ।’

आवास निर्माणमा रोटरी क्लब, लायन्स क्लब लगायत अन्य सामाजिक संस्थाहरुले सघाएका हुन् ।
पुतली गायक बोल्न सक्दिनन् । उनीसँगै परिवारमा तीन छोरा र दुई छोरी आश्रित छन् । उनी एकल महिला हुन् । उनको अवस्थालाई देखेर सहयोग पु¥याएका सामाजिक संस्थाहरुलाई वडाध्यक्ष जीवन आचार्यले धन्यवाद व्यक्त गरे ।

कार्यक्रममा रोटरी क्लबका सदस्य ऋषिराम सापकोटाले गायकका छोराछोरीलाई एलएन्जल्स माविमा १० कक्षासम्म निशुल्क पढाइदिने प्रतिबद्धता जनाए ।

आवास निर्माणका संयोजक तथा रोटरी क्लबका कोषाध्यक्ष कृष्णबहादुर थापाले सहयोगको अपिल आएको एकहप्तामै योजनाले मूर्त रुप लिएको जानकारी दिए ।

कार्यक्रममा रोटरी क्लब पोखरा लेकसाइडका आगामी वर्षका अध्यक्ष हुम आले, प्रेसिडेन्ट नोमिनी डा वीरबहादुर कार्की, सचिव टोपबहादुर थापा सहित क्लबका अन्य सदस्यहरु इञ्जिनियर राजेन्द्र लिगल, राजन कुमाल, उपेन्द्र अधिकारी, राममणि पौडेल, रोटट्रयाक्ट जोन फोरका जेडआरआर तथा सोही क्लबका सदस्य विश्वदर्शन पराजुली लगायत सहभागी थिए ।

भर्खरै प्रकाशित

बीरगन्ज-६ को वडाध्यक्षमा अग्रवाल: पदभार ग्रहण नगर्दै काम सुरु

वीरगञ्ज, ७ जेठ । वीरगञ्ज महानगरपालिका वडा नम्बर ६ का नवनिर्वाचित वडाअध्यक्ष जयप्रकाश साह अग्रवालले पदभार ग्रहण नगर्दै काम शुरु गरेका छन् । लोकतान्त्रिक समाजवादी…

राजेशमानको गृहवडामा जसपाबाट स्वर्णकार विजयी

वीरगञ्ज – वीरगञ्ज   महानगरपालिका  वडा  नम्बर ३ छपकैयामा  वडा  अध्यक्ष  पदमा  बैजुलाल स्वर्णकार दोहोरिएका छन् । अघिल्लो निर्वाचनमा तत्कालिन राष्ट्रिय जनता पार्टीबाट निर्वाचित स्वर्णकार…

बिन्दवासिनीको अध्यक्षमा लोसपाका प्रमोद तिवारी विजयी

वीरगञ्ज – बिन्दवासनी गाउपालिकाको अध्यक्षमा लोसपाका उम्मेदवार  प्रमोद तिवारी विजयी भएसंगै पर्सामा लोसपाको जितको खाता खुलेको हो ।गाउँपालिका अध्यक्षमा लाेसपाका उम्मेदवार तिवारी ४ हजार १…

एमालेको गढ भत्काउँदै जसपाको एतिहासिक जित

वीरगञ्ज, ३ जेठ । कम्युनिष्टको किल्ला मानिने वीरगञ्ज महानगरपालिका वडा नम्बर ३० लालपर्सामा जनता समाजवादी पार्टी (जसपा) को ऐतिहासिक जित भएको छ । झण्डै साढे…

६ वटै महानगरपालिकामा मतगणना सुरु हुँदै

काठमाडौं । सर्वाधिक चासो रहेको भरतपुरसहित ६ वटै महानगरपालिकामा आज बिहानदेखि मतगणना सुरु हुँदैछ । काठमाडौं महानगरपालिकाको राष्ट्रिय सभागृहमा बिहान ८ बजेदेखि मतगणना सुरु हुँदैछ…