वीरगंज – पर्सा क्षेत्र नम्बर १ को (क) बाट प्रदेश सभा सदस्यमा नेकपा माओवादी केन्द्रका रहबर अन्सारीले उम्मेदवारी दर्ता गराएका छन्।
सत्ता गठबन्धनको तर्फबाट उनले प्रदेश सभा सदस्यमा आफ्नो उम्मेदवारी दर्ता गराएका हुन्।
माओवादी केन्द्रका केन्द्रीय सदस्य रहेका उनले आम जनता, युवा र पिछडिएको क्षेत्रको समुचित विकासका लागि आफूले उम्मेदवारी दिएको बताए।
उनले प्रतिगमनसँगको लडाइँमा सत्ता गठबन्धनबाट जसपा बाहिर गएर एमालेसित गठबन्धन गर्नु मधेसी जनतासित धोका भएको बताए।
जसपा आफ्नो विचारमा अडिग नभएर सत्ता गठबन्धनबाट बाहिर गएर एमालेसँग गठबन्धन गरेर चुनाव लड्नुले मधेसी जनता ठगिएको प्रष्ट भएको अन्सारीले बताए।
०७४ सालको निर्वाचनमा पनि यसै क्षेत्रबाट उम्मेदवार बनेका अन्सारी केही मतले मात्रै पराजित भएका थिए।
यहाँ प्रकाशित कुनै समाचारमा तपाईंको गुनासो भए हामीलाई info@nepaliprofile.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
यो खबर पढेर तपाईलाई कस्तो महसुस भयो ?
