२०८० मंसिर १६ शनिबार

वीरगञ्ज कारागार जिर्ण बनेको भन्दै सांसद यादव चिन्तित, मर्मतसम्भार गर्न माग

वीरगञ्ज – जनता समाजवादी पार्टी नेपाल (जसपा) का प्रतिनिधिसभा सदस्य प्रदीप यादवले नौ दशक पूरानो वीरगञ्ज कारागा जीर्ण बनेको भन्दै सरकारको ध्यानाकर्षण गराएका छन् । 

बुधवार बसेको प्रतिनिधिसभाको बैठकमा सहभागी हुँदै नेपाल सरकारका पूर्व वन तथा वातावरणमन्त्रीसमेत रहेका यादवले क्षमताभन्दा बढी कैदी भएको हुँदा यथाशीघ्र निर्माण गर्न माग गरेका हुन् । साथै उनले कारागार यातना गृह बनेको इंकित गर्दै भने, ‘कारागार यातना गृह बनेको छ, कारागार सुधार्ने ठाउँ हो की बिगार्ने ठाउँ हो ?’ 

कम क्षमता हुँदा कैदीलाई कोचाकोच गरेर राख्नुपर्ने बाध्यता रहेको बताउँदै उनले शौचालय जान पनि पालो कुनुपर्ने र त्यही पनि व्यवस्थीत नभएको बताए । उनले भने, ‘९० वर्ष पुरानो कारागार जीर्ण भइसकेको छ । त्याहाँ सुरक्षाकर्मी बस्ने ठाउँ पनि सुरक्षित छैन । कुनै पनि बेला दुर्घटना हुन सक्छ । शौचालय पनि अपर्याप्त छ । पालो कुर्दाकुदै नपाएर कैदीहरु पान्टमै दिशापिसाव गर्न बाध्य छन् ।’ 

जीर्ण बनेको कारागारको स्थलगत स्थलगत अवलोकन गरेर पुर्ननिर्माणको काम गर्न सांसद् यादवले माग गरेका छन् । 

यसअघि गत ९ फागुनमा यादवले कारागारको स्थलगत अवलोकन गरेका थिए । जीर्ण बनेका भौतिक संरचना निर्माणका लागि पहल गर्ने प्रतिबद्धता जनाएबमोजिम यादवले प्रतिनिधि सभाको बैठकमार्फत आवाज उठाएका हुन् ।

अनुगमनका क्रममा उनले सुरक्षा र मानवअधिकारका दृष्टिकोणले पनि कारागार पुर्ननिर्माण गर्नुपर्ने आवश्यक्ता औँल्याएका थिए । सांसद् यादवकाअनुसार जीर्ण बनेका संरचनाका कारण त्याहाँ रहेका कैदीसँगै सुरक्षाकर्मी र कर्मचारी पनि जोखिममा छन् । पूरानो संरचना मर्मतसम्भारमा सरकारले ध्यान नदिँदा जीर्ण बनीरहेको बताउँदै उनले क्षमता भन्दा दोब्बर कैदीबन्दी रहँदा झनै जोखिम बढेको बताएका थिए ।

२०७९ चैत्र २९, बुधबार १६:०९ गते 1 Minute 121 Views

यहाँ प्रकाशित कुनै समाचारमा तपाईंको गुनासो भए हामीलाई info@nepaliprofile.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुकट्विटरमा पनि जोडिन सक्नुहुन्छ ।

यो खबर पढेर तपाईलाई कस्तो महसुस भयो ?

ताजा समाचार