२०८० फाल्गुन १० बिहीबार

नेउवा महासङ्घको स्टार्टअप एण्ड इनोभेसन समितिको आमन्त्रित सदस्यमा अग्रवाल

वीरगञ्ज – नेपाल उद्योग वाणिज्य महासङ्घको स्टार्टअप एण्ड इनोभेसन समितिको आमन्त्रित सदस्यमा युवा उद्यमी अनुपकुमार अग्रवाल मनोनीत भएका छन् । शुक्रवार काठमाडौँमा सम्पन्न एक समारोहका बिच महासङ्घका अध्यक्ष चन्द्रप्रसाद ढकालले अग्रवाललाई जुना माथेमाको सभापतित्वमा रहेको समितिको आमन्त्रित सदस्यमा मनोनीत गरेका हुन् ।

अग्रवालले समितिको आमन्त्रित सदस्यमा मनोनीत गर्दै महासङ्घका अध्यक्ष ढकालले समितिका सदस्यहरूले समिति मार्फत यस क्षेत्रमा क्रियाशील रूपमा काम गर्दै महासङ्घलाई समेत सशक्त रूपमा अगाडि बढाउन योगदान पुर्‍याउने विश्वास व्यक्त गरे । अग्रवाल नेपाल उद्योग वाणिज्य महासङ्घ मधेश प्रदेशअन्तर्गत गठित स्टार्टअप एण्ड इनोभेसन समितिका संयोजक हुन् भने वीरगञ्ज उद्योग वाणिज्य सङ्घका सदस्य र नेपाली युवा उद्यमी मञ्च वीरगञ्जका पूर्व अध्यक्ष पनि हुन् । सेनिटरी वेयर र विभिन्न कस्मेटिक बस्तुको आयात गर्ने व्यवसायमा संलग्न अग्रवाल वीरगञ्जलाई आफ्नो कम थलो बनाएर विभिन्न सामाजिक संस्थामा पनि आबद्ध छन् ।

समिति मार्फत नेपालमा स्टार्टअप सुरु गरेका उद्यमी व्यवसायीहरूका वास्तविक समस्या तथा चुनौतीहरूका विषयमा छलफल गरी सरकारका तर्फबाट गर्नुपर्ने सहयोगका विषयमा सुझाव पेस गर्ने, नवीन सोचमा आधारित रहेर उद्यम गर्न चाहने स्टार्टअपहरूको व्यावसायिक सफलताका लागि सुरुवाती पुँजी (लगानी) जुटाई दिन पहल र सहयोग गर्ने जस्ता कामहरूलाई प्राथमिकता दिने अग्रवालको अजेण्डा छ ।

‘संसारभर स्टार्टअपहरूले राम्रो गरिरहेको बेला नेपालमा त्यस्तो भइरहेको छैन । थोरै रहेका स्टार्टहरू पनि काठमाडौँ, पोखरा जस्ता ठूला सहरमा मात्रै केन्द्रित छन्,’ अग्रवालले भने, ‘अब देशका अन्य सहर र ठाउँमा पनि स्टार्टअप खोल्न प्रोत्साहन गर्ने मेरो मुख्य अजेण्डा रहनेछ । त्यसको लागि प्रदेशदेखि सङ्घीय तहसम्म रहेका सरकारी र गैर सरकारी निकायसँग पहल र सामान्य गर्नेछु ।’

२०८० असार २३, शनिबार ११:४३ गते 1 Minute 87 Views

यहाँ प्रकाशित कुनै समाचारमा तपाईंको गुनासो भए हामीलाई info@nepaliprofile.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुकट्विटरमा पनि जोडिन सक्नुहुन्छ ।

यो खबर पढेर तपाईलाई कस्तो महसुस भयो ?

ताजा समाचार