२०८० फाल्गुन १५ मंगलवार

२०८४ मा जनमत पार्टीलाई मधेसको पहिलो पार्टी बनाउनु छ : डा.सिके राउत

काठमाडौँ – जनमत पार्टीले २० लाख सदस्य बनाउन निर्देशन दिएको छ । भर्खर सम्पन्न राजनीतिक समिति र कार्यकारिणी समितिको बैठकले पार्टीका पङ्क्तिलाई सो निर्देशन दिएको हो ।

पछिल्लो समय जनमतले राजनीतिक समितिदेखि लिएर सचिवालय, कार्यकारिणी समिति पनि विस्तार गरेको छ । नयाँ सदस्यहरूसँग छलफल गर्नका लागि आज राजनीतिक समिति र कार्यकारिणी समितिको छुट्टा छुट्टै बैठक बसेको थियो ।

बुद्ध नगरको एक पाटी प्यालेसमा केन्द्रीय समितिको बैठक बस्नुअघि सुरुमा राजनीतिक समितिको बैठक बसेको थियो भने त्यसपछि केन्द्रीय कार्यकारिणी समितिको बैठक बसेको थियो । दुवै बैठकको अध्यक्षता पार्टीका अध्यक्ष डा.सिके राउतले गरेका थिए । २०८४ मा जनमत पार्टीलाई मधेसको पहिलो पार्टी बनाउनु छ, त्यसका लागि निकै मेहनत गर्नुको आवश्यकता छ भन्दै अध्यक्ष राउतले पार्टीमा धेरैभन्दा धेरै नयाँ नयाँ सदस्यलाई जोड्न निर्देशन दिए ।

पार्टीका एक केन्द्रीय सदस्यले जिम्मेवारी लिएर नै कति जना सदस्य थप्न सकिन्छ त्यो तय गरेर योजनाबद्ध तरिकाले अगाडि बढ्न निर्देशन दिँदै चुनाव आउँदासम्म २० लाख सदस्य बनाउन उनले निर्देशन दिएको बैठकमा सहभागी एक नेताले बताए ।

अध्यक्ष राउतले पटक पटक समितिका सदस्यहरूलाई सङ्गठनप्रति जिम्मेवार र जबाफदेही हुनका लागि आग्रह गरेका थिए । पछिल्लो समय बढ्दै गएको राजनीतिक चुनौतीको बारेमा पनि उनले बैठकमा चर्चा गरेको सहभागी एक नेताले बताए ।

दुवै समितिको बैठक सकिएको छ, खाना खाएर केन्द्रीय समितिको बैठक बस्ने भएको छ । मिसन ८४ अन्तर्जगत् जनमत पार्टीले विभिन्न तहमा प्रशिक्षण दिँदै आएको छ । वडा तहदेखि सुरु भएको प्रशिक्षण जिल्ला इन्चार्ज, मधेस प्रदेश र लुम्बिनी प्रदेश समितिमा पनि प्रशिक्षण सकिसकेको छ ।

२०८० श्रावण १८, बिहीबार १६:१५ गते 1 Minute 249 Views

यहाँ प्रकाशित कुनै समाचारमा तपाईंको गुनासो भए हामीलाई info@nepaliprofile.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुकट्विटरमा पनि जोडिन सक्नुहुन्छ ।

यो खबर पढेर तपाईलाई कस्तो महसुस भयो ?

ताजा समाचार