२०८० फाल्गुन १० बिहीबार

उद्योग वाणिज्य महासंघ मधेस प्रदेशद्वारा १५ बुँदे घाषणापत्र जारी

वीरगञ्ज – नेपाल उद्योग वाणिज्य महासंघ मधेस प्रदेशले देशको आर्थिक विकासका लागि १५ बुँदे जनकपुर घोषणापत्र जारी गरेको छ । संकुचित अर्थतन्त्रका समस्याहरु समाधान गर्न राज्यका विभिन्न निकायहरुसँग छलफल गरेपछि महासंघले १५ बुँदे घोषणा पत्र जारी गरेको हो ।

उद्योग व्यावसायमा देखिएको समस्या समाधानका लागि महासंघका मधेस प्रदेश अध्यक्ष अशोक टेमानीको नेतृत्वमा मधेसका उद्योगी व्यावसायीहरु दुई दिनसम्म काठमाडौंमा गएर सरकारी निकायहरुसँग छलफल गरेका थिए । छलफलपछि मधेसको उद्योग व्यवासाय चलायमान बनाउनका लागि विभिन्न १५ बुँदे घोषणापत्र जारी गरेको हो ।

महासंघले जारी गरेको घोषणपत्रमा बारा पर्सामा औद्योगिक क्षेत्रको स्थापना गर्नुपर्ने, निजगढ अन्तराष्ट्रिय विमानस्थल निर्माण अबिलम्ब अगाडि बढाउनुपर्ने, जलेश्वर भंसार कार्यालयको स्तरोन्नति गरी त्यहाँबाट समुन्द्रपारीका मालसमान आवतजावत गर्ने ब्यवस्था मिलाउनुपर्ने ।

ढल्केवार–सितामढी प्रसाराण लाइनलाई ५०० केभीए सम्म यथासम्भव सिघ्र विस्तार गर्नुपर्ने माग गरेका छन् । त्यस्तै सिमरा एअरपोर्टको क्षमता विस्तार, जनकपुर जयनगर रेलसेवालाई विस्तार गर्नुपर्ने । मधेश प्रदेशमा राजस्व न्यायाधिकरणको स्थापना, अन्तराष्ट्रिय स्तरको सार्वजनिक निजी साझेदारीमा प्राविधिक इन्स्टीच्युट स्थापना गर्ने, निर्माणाधिन रहेको हुलाकी सडकमार्गको निर्माण कार्य युद्धस्तरमा सम्पन्न गर्र्न पनि माग गरिएको छ ।

त्यसैगरी, भारतीय पर्यटकहरुलाई नगद भारतीय रुपैया बोकेर नेपालमा प्रवेश गर्न समस्या भएकोले भारतीय सिमानासित जोडिएका प्रत्येक भंसार कार्यालयहरुमा भारतबाट आउने यात्रुहरुको लागि सटही काउन्टरको व्यावस्था गरिनुपर्ने, समग्र मधेश प्रदेशमा अन्तराष्ट्रिय स्तरको सुबिधा सम्पन्न कृषि नगरकै स्थापना गर्ने, मधेसमा सौर्य उर्जा विजुली उत्पादन केन्द्रको स्थापना,

श्रमिक अस्पतालको स्थापना, अन्तराष्ट्रिय स्तरको प्रदर्शनी हलको निर्माण गरिनु पर्ने, मुख्य भन्सार नाकामा सार्वजनिक निजी साझेदारीमा अन्तरास्ट्रिय स्तरको खाद्य परिक्षण ल्याबको स्थापना गरिनुपर्ने माग गरेको छ ।

२०८० मंसिर १६, शनिबार १०:४९ गते 1 Minute 62 Views

यहाँ प्रकाशित कुनै समाचारमा तपाईंको गुनासो भए हामीलाई info@nepaliprofile.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुकट्विटरमा पनि जोडिन सक्नुहुन्छ ।

यो खबर पढेर तपाईलाई कस्तो महसुस भयो ?

ताजा समाचार