Nepali Profile

शाइन रेसुङ्गा डेभलपमेण्ट बैंक ११ औं वर्षमा प्रबेश

१ अर्व ६२ करोड चुक्ता पूँजी

अनिल खत्री ,गुल्मी । शाइन रेसुङ्गा डेभपलमेण्ट बैंक लिमिटेड ११ औ वर्षमा प्रबेश गरेको छ । ०६५ फाल्गुण ११ गते स्थापना भएको बैंकले सफलता पुर्वक १० वर्ष पुरा गरि ११ औं वर्षमा प्रबेश गरेको हो । बुटवलमा केन्द्रीय कार्यालय रहेको शाइन डेभलपमेण्ट बैक लिमिटेडमा गुल्मी जिल्लाको तम्घासमा शाखा कार्यालय रहेको छ । वार्षिक उत्सवको अबसरमा बैंकका अध्यक्ष राजेन्द्रप्रसाद श्रेष्ठले शुभकामना दिदै यस सुखद अवसरमा बैकलाई यस स्थानमा ल्याई पुर्याउने हुने सम्पुर्ण ग्राहक महानुभावहरू, मार्ग दर्शक नियमकारी र अन्य निकायहरू, कर्मचारी साथिहरू, शेयरधनिज्यूहरू र सम्पुर्ण शुभचिन्तकहरूमा हार्दिक कृतज्ञता अर्पण गर्दै शुभकामना व्यक्त गरेका छन् । बैकका हाल शाखा संख्या ४० वटा शाखा र एउटा एक्सटेन्सन कार्यालय रहेको बैंकले आवश्यकता र सम्भाव्यताका आधारमा सेवा विस्तार गर्दै लैजाने बैकका अध्यक्ष श्रेष्ठले बताए । बैंकले हाल रुपन्देही जिल्लाको बुटवल र मणिग्राम, गुल्मी जिल्लाको तमघास र बलेटक्सार, अर्घाखाँची जिल्लाको सन्धिखर्क, प्यूठान जिल्लाकोे विजुवार र कपिलवस्तुको चन्दौटा मा रहेका शाखा कार्यालयहरु मार्फत ३६५ दिन नै बैंकिङ्ग सेवा उपलब्ध गराउदैँ आएको बैंकका अध्यक्ष श्रेष्ठले बताए । बैंकको हाल १ अर्व ६२ करोड चुक्ता पूँजी, १६ अर्व ७० करोड निक्षेप, १५ अर्व ७० करोड कर्जा रहेको बैंका प्रमुख कार्यकारी अधिकृत प्रकाश पौडेलले बताए । २ लाख ग्राहक भएको बैक हाल प्रदेश नं. ५ को सबैभन्दा ठुलो बिकास बैकका रुपमा स्थापित भएको प्रमुख कार्यकारी अधिकृत पौडेलले बताए ।

रेसुङ्गा विकास बैक लिमिटेड र प्युठान जिल्लाको विजुवारमा केन्द्रीय कार्यालय रहेको गौमुखी बिकास बैक लिमिटेड मर्जर भै बनेको शाइन रेसुङ्गा डेभलपमेण्ट बैक लिमिटेडले बनेको छ । बैकले यस क्षेत्रका जनताको प्रतिनिधीमूलक बित्तीय सस्था भएकाले यसले मुनाफालाई मात्र नभई यस क्षेत्रको आर्थिक र उद्यमशिलता बिकासका लागि प्राथमिकतामा राखेको बैकका अध्यक्ष श्रेष्ठले बताए । उनले सेवा प्रवाह गरी रहेकाले नै सबैको मन जित्न सकेको बताउदै आगामी दिनमा पनि यस्तै सहयोगको अपेक्षा गरे ।त्यस्तै शाईन रेसुङ्गा डेभलपमेण्ट बैकं बिजुवार शाखाले पनि बार्षिक उत्सव मनाएको शाखा प्रबन्धक मेघराज पोख्रेलले बताए।प्युठानमा अहिले यश बैँकका ६ वटा शाखाले पनि शुभेच्छुकहरुका माझ बार्षिकउत्सव मनाएका हुन।

Facebook Comments
संपर्क
संचालक: बिक्रम छेत्री

संचालक: बिशाल अर्याल
सम्पर्क:
[email protected]

सूचना विभाग दर्ता नंः १०७०/०७५-७६

विज्ञापनका लागि: [email protected]

नेपाली प्रोफाइलमा खाता किन?

समाचार संग्रह गर्न तथा संग्रहित समाचार पढ्न सक्नुहुनेछ ।

नेपाली प्रोफाइलमा आफ्ना लेख प्रकाशित गर्न सक्नुहुनेछ ।

तपाईंको रुची अनुसारको समाचार पढ्न सक्नुहुनेछ ।

%d bloggers like this: